TƏBİB tərəfindən Siyəzən Müalicə Diaqnostika Mərkəzində çalışan personalın maarifləndirilməsi məqsədilə təlimlər keçirilib.
Mərkəzdən Aztibb.az-a bildirilib ki, təlimlər TƏBİB-in Qida və təsərrüfat malları şöbəsinin müdiri Kərəm Əliyev, şöbənin böyük məsləhətçisi Ceyhun Səmədov, aparıcı məsləhətçisi həkim-dietoloq Vüsalə Tağıyeva və “Yeni Klinika”nın aşpazı İlkin Orucov tərəfindən aparılıb.
Təlimdə Siyəzən Müalicə Diaqnostika Mərkəzinin qida sahəsi üzrə məsul əməkdaşları da daxil olmaqla Quba, Qusar, Şabran, Xaçmaz və Xızı Rayon Mərkəzi Xəstəxanalarının qida sahəsi üzrə cavabdeh şəxsləri iştirak ediblər.
Təlimdə ərzaq məhsullarının qəbulu, saxlanılması, pəhriz masalarına uyğun menyuların tərtib edilməsi mətbəxə verilməsi, ilkin və isti emalı mövzusunda geniş məlumatlar verilib. Həmçinin müalicəvi yeməklərin hazırlanmasında istifadə edilən ərzaqların düzgün emalının praktiki nümayişi də həyata keçirilib.