Direktor müavini, Uşaq xəstəxanasının rəhbəri Səbuhi Həsənovun sözlərinə görə, yeni struktur təlimatlarına uyğun olaraq, Təcili yardım şöbəsi üç sahəyə bölünüb və hər biri xüsusi rənglərlə (yaşıl, sarı və qırmızı sahə) fərqləndirilib. Eyni zamanda, burada infeksion nəzarət sistemi də qurulub, aptek fəaliyyət göstərir.

 

Bundan başqa, “çeşidləmə” (“triaj”) sisteminin tətbiqinə başlanılıb. 10 çarpayılıq şöbədə yenidoğulmuşlarla yanaşı, 18 yaşadək hər kəsin xidmət alması mümkündür.

 

Qeyd edək ki, bu vaxta qədər xəstəxana və Poliklinika şöbəsi fərqli ünvanlarda fəaliyyət göstərirdilər. Bu isə, tibbi xidmətlərin əlçatanlığına mane olurdu. Artıq həm Təcili yardım, həm də Poliklinika şöbələri Uşaq xəstəxanasının daxilində fəaliyyət göstərir.

T

əcili yardım şöbəsində 12 nəfər tibb personalı çalışır, şöbə müdiri Məmmədov Anar Telman oğludur, Poliklinika şöbəsində isə 33 nəfər tibb personalı fəaliyyət göstərir, şöbə müdiri Həsənova Nazimə Cümşüd qızıdır.