Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.

 

Rubrikada bu dəfə Zaqatala Rayon Mərkəzi Xəstəxanasının həkimi Nüşabə Şahmərdanova haqqında məlumatları diqqətə çatdırırıq.

 

Nüşabə Şahmərdanova 1974-cü ildə Zaqatala şəhərində doğulub. 1990-1996-ci illərdə N.Nərimanov adına Azərbaycan Tibb Universitetində Müalicə işi ixtisası üzrə ali təhsil alıb, 1996-1997-ci illərdə Zaqatala RMX-sı Anesteziologiya reanimasiya şöbəsində anesteziologiya reanimatologiya üzrə internatura keçib.

 

O, 1997-2000-ci illərdə Zaqatala MRX-nın Doğum evinin Anesteziologiya reanimasiya şöbəsində həkim anestezioloq-reanimatoloq, 2000-2008-ci illərdə RMX-nın Reanimasiya şöbəsində həkim anestezioloq-reanimatoloq, 2009-2019-cu illərdə Zaqatala Müalicə Diaqnostika Mərkəzində anestezioloq-reanimatoloq, 2019-2020-ci illərdə Zaqatala Müalicə Diaqnostika Mərkəzi PHŞ-nın Direktorun müalicə işlər üzrə müavini, 2020-2022-ci illərdə Müalicə Diaqnostika Mərkəzi PHŞ-nın Direktorun müavini-Baş həkimi vəzifələrində çalışıb. 2022-ci ildən Zaqatala RMX PHŞ-in Keyfiyyətə nəzarətin idarəedilməsi komitəsinin rəhbəri vəzifəsini icra edir.