Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.

 

Rubrikada bu dəfə Saatlı Rayon Mərkəzi Xəstəxanasının həkimi Çingiz Fətullayev haqqında məlumatları diqqətə çatdırırıq.

 

Çingiz Fətullayev 1951-ci ildə Saatlı rayonunda anadan olub. 1972-1978-ci illərdə Azərbaycan Dövlət Tibb Universitetinin Müalicə-proflaktika fakültəsində təhsil alıb.

 

O, 1979-1981-ci illərdə Saatlı rayonu Hacıqasımlı kənd məntəqəsinin müdiri, 1981-1988-ci illərdə Saatlı rayonu Qaracalar kənd xəstəxanasının baş həkimi vəzifələrində çalışıb. 1982-1985-1987-ci illərdə Saatlı rayon Qaracalar kənd sovetinin millət vəkili olub.

 

Çingiz Fətullayev 1988-1991-ci illərdə Saatlı Rayon Mərkəzi Xəstəxanasının Poliklinika şöbəsinin müdiri, 1991-1994-cü illərdə həmin xəstəxanada baş həkimin tibbi xidmət üzrə müavini, 1993-2001-ci illərdə YAP Saatlı rayon təşkilatının idarə heyətinin üzvü və Saatlı Rayon İcra Hakimiyyətinin Başçısının kabinet üzvü, 1994-2001-ci illərdə Saatlı Rayon Mərkəzi Xəstəxanasının baş həkimi, 2002-2020-ci illərdə Saatlı rayon Gigiyena və Epidemiologiya mərkəzində şöbə müdiri işləyib. 2011-ci ildən Saatlı Rayon Mərkəzi Xəstəxanasının Təcili yardım şöbəsində həkim vəzifəsində çalışır.