“Qəbələ Rayon Mərkəzi Xəstəxanası” publik hüquqi şəxsdə Milli Hematologiya və Transfuziologiya Mərkəzi - Qan Bankı bölməsi tərəfindən qanvermə aksiyası keçirilib.

Aztibb.az-a Xəstəxanadan bildirilib ki, qanvermə aksiyasında Qəbələ Rayon Mərkəzi Xəstəxanasının işçiləri, Qəbələ rayonunda fəaliyyət göstərən idarə və təşkilatların əməkdaşları, o cümlədən ictimaiyyətin nümayəndələri iştirak ediblər. Ümumilikdə 182 nəfər donor qan verib.

Toplanılan qan irsi qan xəstəliyindən əziyyət çəkən xəstələr üçün nəzərdə tutulub.