Səhiyyəmizin inkişafı, ilk növbədə, peşəkar mütəxəssislərdən - həkimlərdən və digər tibb işçilərindən aslıdır.

Ən dəyərli nemət olan sağlamlığın keşiyində duran həkimlərimizdən biri də Roza Qafarovadır.

 

"Həkimlərimizi tanıyaq!" rubrikasında söz açacağımız Roza Xanlar qızı Qafarova mənalı həyatını bütünlüklə şərəfli işinə, müqəddəs peşəsinə, insanların problemlərinə və sağlamlığına həsr edib.

O, 15 iyun 1951-ci ildə Goranboy rayonunda anadan olub. 1967-1973-cü illərdə N.Nərimanov adına Azərbaycan Tibb Universitetində təhsil alıb. 1974-cü ildə Gəncə şəhər 1 saylı Tibbi Səhiyyə Hissəsində internatura keçib.

 

Roza həkim 1974-1996-cı illərdə Gəncə şəhər Abbas Səhhət adına Xəstəxanada həkim-terapevt, 1996-2002-ci illər həmin xəstəxananın baş həkimi, eyni zamanda, həkim-nefroloq vəzifələrində çalışıb. 2004-2009-cu illərdə Gəncə Şəhər Səhiyyə İdarəsində Metodik kabinetin müdiri, 2009-2021-ci illərdə Gəncə Şəhər 1 nömrəli Xəstəxanada baş həkim, 2021-2023-cü illər həmin xəstəxanada həkim-nefroloq işləyib.