Kürdəmir Rayon Mərkəzi Xəstəxanası və Kürdəmir Regional Mədəniyyət İdarəsinin birgə təşkilatçılığı ilə "Narkomaniyaya yox deyək!" adlı maarifləndirmə tədbiri keçirilib.

 

Rayon Xəstəxanasından Aztibb.az-a bildirilib ki, tədbirdə Kürdəmir RMX-nın həkimi Maxsud Eminov, Kürdəmir RMX-nın ictimaiyyətlə əlaqələr üzrə mütəxəssisi Elvira Cavadova və Kürdəmir rayon Polis Şöbəsinin Cinayət axtarış bölməsinin əməliyyat müvəkkili polis kapitanı Orxan Umudov çıxış edərək  narkomaniyanın törətdiyi faciələr və narkomaniyanın mənfi nəticələri barədə geniş məlumat veriblər.

 

Bildirilib ki, narkotik vasitələrdən istifadə edən hər bir şəxs uğurlu gələcəyindən imtina etmiş olur. Cəmiyyətdə həmişə geridə qalır, aludəçiliyin zərərli təsirlərin fəsadlarından qurtula bilmir.