Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.
Rubrikada bu dəfə Göygöl Rayon Mərkəzi Xəstəxanasının Terapiya şöbəsinin müdiri, həkim-terapevt Nəriman Nağdalıyev haqqında məlumatları diqqətə çatdırırıq.
O, 1958-ci ildə Qazax rayonu Qaymaqlı kəndində anadan olub. 1976-1981-ci illərdə N.Nərimanov adına Azərbaycan Dövlət Tibb İnstitutunun Müalicə işi fakültəsində təhsil alıb. 1981-1982-ci illərdə Gəncə şəhər A.Səhhət adına Xəstəxanasında internatura keçib.
Nəriman Nağdalıyev 1982-1986-cı illərdə Göygöl Mərkəzi Rayon Xəstəxanasında Təcili yardım üzrə həkim, 1986-1998-ci illərdə Göygöl Mərkəzi Rayon Xəstəxanasında həkim–terapevt işləyib. 1998-ci ildən Göygöl Rayon Mərkəzi Xəstəxanasının Terapiya şöbəsinin müdiri vəzifəsində çalışır.
Qeyd edək ki, "Azərbaycan Respublikasının səhiyyə işçilərinin təltif edilməsi haqqında" Azərbaycan Respublikası Prezidentinin 16 iyun 2023-cü il tarixli Sərəncamı ilə o, “Tərəqqi" medalı ilə təltif edilib.
