TƏBİB-in tabeliyindəki Şəmkir Rayon Mərkəzi Xəstəxanasında Hemodializ şöbəsi fəaliyyətə başlayıb.
Bu barədə Aztibb.az-a TƏBİB-dən məlumat verilib.
Bildirilib ki, hemodializ şöbəsində müasir texnoloji standartlara cavab verən hemodializ aparatları, yeni funksional çarpayılar və havalandırma sistemi quraşdırılıb.
Kəskin və xroniki böyrək çatışmazlığı zamanı xəstələrin mərkəzdə müalicəsi və keyfiyyətli tibbi xidmətin göstərilməsi üçün 10 çarpayı ilə fəaliyyətə başlanılıb.
Hemodializ şöbəsində “Fresenius Medikal Care” cihazları, su təmizləmə sistemi (osmos tipli 2000) və dializ məhlulunu hazırlayan “Gramomix 2018” sistemi quraşdırılıb.
İstifadə olunan bütün cihazların və tibbi aksesuarların hər bir prosedurdan sonra xüsusi kimyəvi vasitələr və aparatlarla dezinfeksiya olunması təmin edilib.
Şöbədə hazırda 2 həkim və 30-a qədər tibb işçisi fəaliyyət göstərir.
