TƏBİB-in təşkilatçılığı ilə tabeli tibb müəssisələrində toksikoloji və allerqoloji xidmətlərin təkmilləşdirilməsi üzrə layihələr keçirilir.

 

Aztibb.az-a TƏBİB-dən bildirilib ki, layihə çərçivəsində "Yeni Klinika"da elmi-praktiki konfrans keçirilib.

 

Tədbirdə Bakı şəhərində fəaliyyət göstərən stasionar tibb müəssisələri, Bakı Baş Səhiyyə Mərkəzinin tabeliyində olan tibb müəssisələri, Təcili və Təxirəsalınmaz Tibbi Yardım Stansiyaları, Sumqayıt Tibb Mərkəzi və Abşeron Rayon Mərkəzi Xəstəxanasında çalışan təcili yardım sahəsi üzrə həkimlər, anestezioloq-reanimatoloq, terapevt, pediatr və allerqoloqlar iştirak ediblər.

 

Konfransda Kliniki Tibbi Mərkəzin Toksikologiya şöbəsinin müdiri Azər Maqsudov, şöbənin həkim-toksikoloqu Faiq Süleymanov, Nərimanov Tibb Mərkəzinin həkim-allerqoloqu Rasimə Söyziyeva, Mərkəzin nəzdində olan Uşaq Kliniki Xəstəxanasının Allerqologiya və immunologiya şöbəsinin müdiri Lalə Axundova müvafiq təqdimatlarla çıxış ediblər.

 

İştirakçılara ilan sancması, uşaqlarda qida allergiyası, dərman zəhərlənməsi, "Stivens-Conson" sindromu, toksik epidermal nekroliz, anafilaktik şok, narkotiklərin sui-istifadəsi, alkoqolla bağlı təcili hallar mövzularında yeni klinik protokollar, tibbi xidmətin göstərilmə alqoritmləri haqqında məlumatlar verilib, interaktiv müzakirələr aparılıb.

 

Qeyd edək ki, 2023-cü ilin aprel ayından başlayaraq respublikanın 8 regionunda müvafiq istiqamətlər üzrə silsilə tədbirlər həyata keçirilib.