Aztibb.az-ən xəbərinə görə, konfransdan sonra akad. Zərifə Əliyeva adına Milli Oftalmologiya Mərkəzindən t.ü.f.d. Yazgül Abdıyeva, t.ü.f.d. Mirana Mirişova və Sona İbrahimova Sinqapur Milli Göz Mərkəzini ziyarət ediblər. Mərkəzin səlahiyyətli şəxsi tərəfindən müşayiət olunan oftalmoloqlarımız Sinqapur Milli Göz Mərkəzinin fəaliyyəti ilə tanış olublar.

Bildirilib ki, Sinqapur Milli Göz Mərkəzi (SNEC) 3 mart 1989-cu ildə yaradılmış və 1990-cı ilin oktyabrında fəaliyyətə başlamışdır. SNEC 80-ə yaxın oftalmoloqdan ibarət fakültə ilə keyfiyyətli təhsil və tədqiqata diqqət yetirməklə ixtisaslaşmış oftalmoloji xidmətlərin göstərilməsinə rəhbərlik edir və əlaqələndirir.

 

Diqqətə çatdırılıb ki, SNEC 4 xəstəxana, 5 milli ixtisas mərkəzi, 8 ilkin səhiyyə poliklinikası və 3 icma xəstəxanasından ibarət Sinqapur Sağlamlıq Xidmətləri (SingHealth) akademik klasterinin bir hissəsidir.

SNEC yüksək standartlar və nəticələri təmin etmək üçün cərrahiyyənin tədrisi və monitorinqi üçün hər bir böyük əməliyyatı həyata keçirən dünyada bir neçə qurumdan biridir. Mərkəz qlaukoma, katarakta və miopiya kimi əsas göz xəstəliklərinin səbəbləri və müalicəsi ilə bağlı kliniki tədqiqatlarda fəal iştirak edir.

 

Görüş zamanı Akad. Zərifə Əliyeva adına Milli Oftalmologiya Mərkəzi və Sinqapur Milli Göz Mərkəzininin mütəxəssisləri oftalmoloji yeniliklərdən bəhs edərək, qarşılıqlı təcrübələrini bölüşüblər.

Həmçinin t.ü.f.d. Yazgül Abdıyeva Akad. Zərifə Əliyeva adına Milli Oftalmologiya Mərkəzinin və regional filiallarının fəaliyyəti haqqında məlumat verib.

 

T.ü.f.d. Mirana Mirişova Mərkəzdə həyata keçirilən excimer-lazer əməliyyatından, Sona İbrahimova isə qalukoma xəstəliyinə qarşı qurumun fəaliyyətindən bəhs edilbər.