ÜST-nin Avropa üzrə Regional Ofisinin Azərbaycan Respublikası Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB-in birgə ev sahibliyi etdiyi və USAID/Azerbaijan-ın dəstəyilə keçirilən ÜST/Avropa xəstəxanalarının gələcəyinə dair regional toplantısına yekun vurulub.

 

Bu barədə Aztibb.az-a Səhiyyə Nazirliyindən xəbər verirlib.

 

Bildirilib ki, son gün, ilk iki gündə olduğu kimi, xəstəxanaların gələcəyini formalaşdıran mühüm mövzular üzrə dərin müzakirələrlə yadda qalıb. Azərbaycanda xəstəxanaların və səhiyyə sisteminin transformasiyası, eləcə də ölkə ehtiyaclarının öyrənilməsi və həllərin dəstəklənməsində ÜST-nin rolunun müəyyənləşdirilməsi üzrə müzakirələr aparılıb.

 

Bundan əlavə, ilkin səhiyyə yönümlü sistemlərə doğru xəstəxana transformasiyasını istiqamətləndirmək, xəstə mərkəzli yanaşmanı və daha yaxşı xəstə nəticələrini təmin etmək üçün regional çərçivənin yaradılması məsələsinə diqqət yetirilib.