“Həkimlərimizi tanıyaq!” rubrikamızda Sizlərə bütün pasiyentlərinə qayğı və həssaslıqla yanaşan “Qəbələ Rayon Mərkəzi Xəstəxanası” publik hüquqi şəxsin Uşaq şöbəsinin həkim-pediatrı Ziyafət Hacıyevanı təqdim edirik.
O, 17 sentyabr 1974-cü ildə Ağdaş şəhərində anadan olub. 1992-1998-ci illərdə N.Nərimanov adına Azərbaycan Tibb Universitetinin Pediatriya fakültəsində təhsil alıb. 1998-1999-cu illərdə Ağdaş Rayon Mərkəzi Xəstəxanasında pediatriya ixtisası üzrə internatura keçib.
Ziyafət Hacıyeva 1999-2003-cü illərdə Ağdaş Rayon Uşaq Poliklinasında şöbə müdiri, 2003-2010-cu illərdə Ağdaş Rayon Mərkəzi Xəstəxanasının Uşaq Reanimasiya şöbəsinin müdiri vəzifələrində çalışıb. 2010-2013-cü illərdə Ağdaş Rayonunun baş pediatrı təyin edilib. O, 2012-2022-ci illərdə Ağdaş Regional Hemodializ Mərkəzinin rəhbəri işləyib.
Təcrübəli həkim 2011-ci ildə Türkiyə Cümhuriyyətində keçirilən 37-ci Beynəlxalq Hematoloji Konqresdə fəxri üzv seçilib və sertifikatla təltif olunub. 2011-ci ildə Türkiyə Cümhuriyyəti Ankara Dışkapı Tədris və Araşdırma Xəstəxanasının Baş Həkimlik bölümündə gözləmçi həkim olaraq çalışıb. 2013-cü ildə o, Ankara Atatürk Tədris və Araşdırma Xəstəxanasında master-klass keçib.
Ziyafət Hacıyeva 2023-cü ilin yanvar ayından “Qəbələ Rayon Mərkəzi Xəstəxanası” publik hüquqi şəxsin Uşaq şöbəsində həkim pediatr vəzifəsində çalışır.