“Yeni klinika” tibb müəssisəsinin urologiya komandası mürəkkəb əməliyyatları uğurla icra etməkdə davam edir.

 

Aztibb.az-a Klinikadan bildirilib ki, daha öncə TUR prostat əməliyyatı keçirmiş, prosedura sonrası uretra (sidik kanalı) boyunca daralma, glans penis nekrozuna bağlı parsiyel glansektomiyalı pasiyent "Yeni klinika"ya müraciət edib.

 

Uzman uroloq Məcid Haqverdiyev, Azad Süleymanov və otorinolarinqoloq Nərmin Əyyubova tərəfindən ani sidik ləngiməsindən dolayı uzun müddət qarından açılmış sistoma ilə yaşayan xəstəyə Kulkarni metodu ilə yanaq içindən alınan bukkal mukozadan istifadə olunmaqla “Uretroplastika və meatoplastika” əməliyyatı icra olunub.

 

Uğurlu əməliyyatdan sonra sidik ifrazıyla əlaqəli heç bir şikayəti olmayan xəstə ambulator müalicə üçün evə buraxılıb.