Bəhman Abdullayev 4 sentyabr 1958-ci ildə Ağdaş rayon Pirkəkə kəndində anadan olub. 1975-1981-ci illər ərzində Azərbaycan Tibb Universitetinin Müalicə-profilaktika fakültəsində təhsil alıb. 1981-1982-ci illərdə Terapiya ixtisası üzrə internatura keçib.
O, 1982-1984-cü illərdə Koluqa villayətinin Sosnovaya şəhərində sahə terapevt həkimi işləyib. 1984-1989-cu illərdə Yevlax MRX-nın Təcili yardım şöbəsində həkim, 1989-1992-ci illərdə Mingəçevir şəhər narkoloji dispanserində sahə həkimi terapevt, 1993-1995-ci ildə Ağdaş MRX-da Endoskopiya kabinetində endoskopik həkim, 1995-ci ildə Ağdaş MRX-nın Poliklinika şöbəsində terapevt, daha sonra isə Ağdaş MRX-da baş həkimin poliklinika işləri üzrə müavini vəzifələrində çalışıb. 1997-ci ildən Ağdaş Rayon Mərkəzi Xəstəxanasının Poliklinika şöbəsinin müdiri kimi fəaliyyət göstərir.
