Səhiyyəmizin inkişafı, ilk növbədə, peşəkar mütəxəssislərdən - həkimlərdən və digər tibb işçilərindən aslıdır.

Ən dəyərli nemət olan sağlamlığın keşiyində duran həkimlərimizdən biri də Kürdəmir rayon ASM-in şöbə müdiri Zahid Əhmədovdur.

O, 1952-ci il aprel ayının 12-də Kürdəmir rayonunun Qarasaqqal kəndində anadan olub. 1971-ci ildə Azərbaycan Dövlət Tibb İnstitutunun Müalicə-profilaktika fakültəsinə daxil olub. 1978-ci ildə İnstitutu bitirərək təyinatla Kürdəmir Rayon Mərkəzi Xəstəxanasının Təcili Yardım şöbəsinə müdir təyin olunub.

Zahid Əhmədov 1986-cı ildə Kürdəmr Dəri-Zöhrəvi dispanserinə baş həkim, 1996-2001-ci illərdə Kürdəmir Şəhər Hərbi Komisarlığında hərbi həkim komissiyasının sədri, 2001-ci ildə Kürdəmir Rayon Mərkəzi Xəstəxanasının baş həkimi, 2001-2015-ci ildə Kürdəmir Rayon Uşaq fondunun sədri vəzifələrində çalışıb.

 

Baş həkim işlədiyi müddətdə 2004-cü ildə Topalhəsənli kənd həkim məntəqəsinin tikintisinə, 2004-2005-ci illərdə Karrar həkim məntəqəsinin tikintisinə nail olub. Həmçinin 2005-2006-cı ildə Kürdəmir şəhər poliklinikasının, 2006-cı ildə Təcili təxirə salınmaz tibbi yardım şöbəsinin, 2008-ci ildə Qarasaqqal həkim məntəqəsinin və Muradxan həkim məntəqəsinin, 2010-cu ildə Şahbəyli kənd felşer məntəqəsinin və Şüşün, Qocalı kənd məntəqəsinin tikintisinə nail olub.

 

O, 2016-2017-ci ildə Kürdəmir rayon 57 saylı dairə seçki komissiyasının sədri işləyib. 2020-ci ildən Mərkəzi Xəstəxanasının tabeliyindəki Kürdəmir rayon ASM–nin şöbə müdiridir.