Neftçala Rayon Mərkəzi Xəstəxanasında ölkəmizdə 2023-cü ilin “Heydər Əliyev İli” elan olunması ilə əlaqədar TƏBİB tərəfindən tərtib edilmiş “Tədbirlər planı” na əsasən tibbi aksiyalar və maarifləndirmə işləri davam edir.

Aztibb.az-a Xəstəxanadan verilən xəbərdə bildirilir ki, Xıllı qəsəbəsi Ailə Sağlamlıq Mərkəzinin tibb işçiləri Xıllı qəsəbə 2 nömrəli tam orta məktəbində valideynlər və məktəblilər arasında peyvəndin faydaları, erkən nikahlar və zərərli vərdişlər haqqında marifləndirmə işləri aparıblar.

Maarifləndirmə zamanı iştirak edənlərə idarə olunan infeksiyaların təhlükəsi və ondan qorunmanın, vaksinasiyanın əhəmiyyəti barədə məlumat verilib. Erkən yaşda qurulan nikahların yeniyetmələrin sağlamlığına, gələcək həyatlarına ciddi mənfi təsir göstərməklə yanaşı, ailədaxili zorakılıq hallarına da gətirib çıxartdığından bəhs edilib.