Avropa İttifaqı, BMT-nin Əhali Fondunun (UNFPA), və BMT-nin Qadınlar üzrə Ağentliyinin dəstəyi ilə “Ümidli Gələcək” İctimai Birliyinin “Səhiyyə müəssisələrində kişilərin perinatal qayğı və qulluq, habelə məsuliyyətli atalıq üzrə fəaliyyətlərə cəlb edilməsi” layihəsi çərçivəsində İctimai Səhiyyə və İslahatlar Mərkəzinin və TƏBİB-in təşkilatçılığı ilə Lənkəran Regional Perinatal Mərkəzdə “Ailə otağı” nın açılışı baş tutub.

 

Tədbirdə Lənkəran Rayon Mərkəzi Xəstəxanasının direktoru Ağabala Kəlbiyev, Regional Perianatal Mərkəzin direktoru Nuridə Məmmədova, UNFPA-nın Azərbaycan Nümayəndəsi Fərid Babayev, Milli Məclisin Ailə Qadın və Uşaq Məsələləri Komitəsinin sədri, deputat Hicran Hüseynova, Səhiyyə Nazirliyinin İctimai Səhiyyə və İslahatlar Mərkəzinin rəhbəri Qəhrəman Haqverdiyev, TƏBİB-in İlkin səhiyyə xidmətinin təşkili şöbəsinin müdiri Nehmət Rəhimov, “Ümidli Gələcək” təşkilatının rəhbəri Kəmalə Aşumova, “Atalar Məktəbi” layihəsinin Lənkəran rəhbəri Tofiq İsmayılov iştirak ediblər.

 

Layihənin əsas məqsədi səhiyyə müəssisələrində kişilərin perinatal qayğı və qulluq, habelə məsuliyyətli atalıq üzrə fəaliyyətlərə cəlb edilməsi, Lənkəran və digər regionlarda TƏBİB-in tabeliyində fəaliyyət göstərən tibb müəssisələrində tibb işçiləri və valideynlər üçün atenal maarifləndirmə guşələrinin yaradılması, maarifləndirmə materiallarının hazırlanması və yayılması, eləcə də tibb işçiləri üçün atenal qayğı ilə bağlı təlim kurslarının təşkilindən ibarətdir.

 

Qeyd edək ki, Bakı, Göyçay və Lənkəran şəhərlərində valideyn olmağa hazırlaşan və valideyn olmuş qadın və kişilərin sağlam hamiləlik, antenatal qayğının əhəmiyyəti, nümunəvi valideyinlik bacarıqları, uşağa qulluq, gender stereotipləri və qadın hüquqları mövzusunda davamlı tədbir və təlimlərin keçiriləcəyi iştirakçıların diqqətinə çatdırılıb.