Tərtər Rayon Mərkəzi Xəstəxanasında (RMX) “Heydər Əliyev və müasir Azərbaycan səhiyyəsi” mövzusunda tədbir keçirilib.

 

Aztibb.az-a tibb müəssisəsindən bildirilib ki, əvvəlcə Ümummili Lider Heydər Əliyevin və ölkəmizin ərazi bütövlüyü uğrunda şəhid olanların xatirəsi bir dəqiqəlik sükutla yad edilib.

 

Tədbirdə çıxış edən Tərtər RMX-nın direktor müavini - baş həkim Bəkir Nağıyev vurğulayıb ki, Ulu Öndər səhiyyə sektorunun inkişafına xüsusi önəm verirdi və bunu əsas prioritet istiqamətlərdən birinə çevirmişdi. Ümummilli Lider Heydər Əliyev səhiyyə quruculuğu ilə əlaqədar tədbirlər kompleksinə - köhnə səhiyyə ocaqlarının yenidən qurulması, yenilərinin tikilməsi və ən müasir aparatlarla təchiz edilməsi, əhalinin kütləvi dispanser qeydiyyatından keçirilməsi və sahə həkimlərinin fəaliyyətinin artırılmasından başladı: "Ulu Öndər hər zaman tibb işçilərinə böyük qayğı göstərmiş və çıxışlarında həkimlik peşəsinin öz xalqına, sənətinə yüksək sədaqət tələb edən bir iş olduğunu vuğulayırdı. Məhz onun ölkəyə rəhbərliyi dövründə müasir səhiyyə ocaqlarının istifadəyə verilməsinə başlandı. Nəniki paytaxt Bakıda, ən ucqar regionlarda, kəndlərdə belə ən müasir tibbi mərkəzlər yaradıldı ki, bu mərkəzlərdə tibb işçilərinin fəaliyyəti üçün geniş imkanlar vardı".

 

Daha sonra çıxış edən həkimlər Yeganə Səfərova, Sürəyya Əhmədova, Gülsarə Camalova, Tərlan Əliyeva, Anar Salahzadə və Zəhra Hüseynova Ümummilli Lider Heydər Əliyevin müəyyənləşdirdiyi strateji siyasi kursu layiqincə davam etdirən Prezident İlham Əliyevin həyata keçirdiyi sosial siyasət nəticəsində dövlət büdcəsindən səhiyyəyə ayrılan vəsaitin ilbəil artdığını, tibb müəssisələrinin fəaliyyətinin modernləşdirilməsinə, ümumilikdə tibbi xidmətin müasir tələblər səviyyəsinə qaldırılmasına nail olunduğunu bildiriblər.