“Medic School Training Center” və "İmişli Rayon Mərkəzi Xəstəxanası” publik hüquqi şəxsi tərəfindən xəstəxananın həkim və orta tibb heyəti üçün “Tənəffüs və Ürək Dayanmalarda Təməl Həyata Dəstək" tədbirləri çərçivəsində “Amerika Ürək Assosiasiyasının” BLS protokolu üzrə təlim keçirilib.

 

Aztibb.az-a İmişli Rayon Mərkəzi Xəstəxanasından bildirilib ki, təlimdə “Amerika Ürək Assosiasiyanın” beynəlxalq sertifikatlı təlimçiləri körpələrdə və böyüklərdə huşun qiymətləndirilməsi, ürək dayanmalarında CPR (ürək ağciyər reanimasiya) tədbirləri, AED (avtomatik xarici defibrilyator) cihazından istifadə qaydaları, effektiv komanda işi, tənəffüs dayanmalarında ilkin müdaxilələr, döş ağrıların idarə olunması və s. mövzular üzrə iştirakçılara geniş və ətraflı məlumat verilib.

 

Tibb işçilərinin bilik və bacarıqlarının təkmilləşdirilməsi məqsədi ilə keçirilən təlimdə İştirakçılar tərəfindən maraqla qarşılanan intensiv praktiki bacarıqlarını dahada təkminləşdirmək üçün protokollara cavab verən xüsusi tibbi avadanlıqlardan istifadə olunub.

 

Sonda “Medic School Training Center” təlim mərkəzi tərəfindən xəstəxanaya təşəkkürnamə, iştirakçılara isə sertifikatlar təqdim edilib.