"Amerikada necə həkim olmaq olar?" adlı panel görüş keçirilib
27.05.2023 11:23

Azərbaycan Tibb Universitetinin (ATU) Tədris Terapevtik Klinikasında tələbələr və rezidentlər üçün "Amerikada necə həkim olmaq olar?" adlı panel görüş keçirilib.

 

ATU-dan Aztibb.az-a verilən xəbərə görə, tədbirdə klinikanın direktoru Fərid Eyvazov tələbə və rezidentlərin fəaliyyəti, təhsili, problemləri haqqında çıxış edib: "Biz Tibb Universiteti olaraq rezidentura təhsili veririk. Bununla yanaşı, təkcə ölkəmizdə deyil, Avropa və Amerikadakı mövcud praktikalara daha dərindən yiyələnmək üçün belə seminarların təşkil edilməsi əhəmiyyətlidir. Bu məqsədlə xaricdə fəaliyyət göstərən mütəxəssislərimiz, yerli həkim əməkdaşlarımızla görüşlərimiz olacaq. Bizim təhsil sistemimiz müasir dünya təhsilinə inteqrasiya etsə də, bu prosesin operativ, sürətli olmasını təmin etmək üçün çalışmalıyıq. Əminik ki, fəaliyyətimizin bu istiqaməti sizə maraqlı olacaq”.

 

Direktor çıxışının sonunda Azərbaycan Respublikasının Səhiyyə Nazirliyinə, Azərbaycan Tibb Universitetinin rektorluğuna və Amerika-Azərbaycan Tibb Assosiasiyasının prezidenti və həmtəsisçisi Rauf Şahbazova bu konfransın həyata keçirilməsində göstərdikləri dəstəyə görə təşəkkürünü bildirib.

 

Daha sonra vaxtilə ATU-da bakalavr təhsili almış, İstanbul Marmara Universitetində ixtisaslaşmış və hazırda ABŞ-ın Nyu Cersi ştatında yerləşən "Overlook Hospital"da rezidentura təhsilini davam etdirən həkim-qastroenteroloq Nərgiz Qasımova təlimçi olaraq çıxış edib. O, tələbə və rezidentlərə Amerikada sertifikatlı həkim olmaq, orada işləmək hüququ əldə edə bilmək imkanları haqqında danışıb. 

 

Sonda tələbələr və rezidentlərin fikirləri dinlənilib, onları maraqlandıran suallar cavablandırılıb.

Səadət Məmmədova
Müəllifin digər yazıları
ÇOX OXUNANLAR
Qaraciyərin düzgün işləməməsinin ƏLAMƏTLƏRİ  
Təbii vasitə 12 həftə ərzində 8 kiloqrama qədər arıqladır
Buğda cücərtisi gənclik iksiri kimi də bilinir
Təcili tibbi yardım briqadasının yardımı ilə 66 yaşlı xəstə Mərkəzi Klinik Xəstəxanaya hospitalizasiya olunub
Şuşa Rayon Mərkəzi Xəstəxanasının ginekoloqu Şəbnəm Baxşəliyeva - Həkimlərimizi tanıyaq!
Şahdamara stend taxıla bilərmi?
Sürətli döyüntünün tək səbəbi ürək deyil!
Masallı Rayon Mərkəzi Xəstəxanasının otorinolarinqoloqu Kamran Musayev - Həkimlərimizi tanıyaq!
Uşaq cərrahı Günel Əmiraslanova Şəkidə Bonum Medicalda pasiyent qəbulu həyata keçirəcək
Böyrək daşı xəstəliyi nədir və necə yaranır?
Regionlarda fəaliyyət göstərən peşəkar səhiyyə işçilərini tanıtmaqda davam edirik!
Ağır vəziyyətdə Respublika Uşaq Klinik Xəstəxanasına yerləşdirilən 2 yaşlı uşaq həyata qaytarılıb
Qastroezofageal reflüks xəstəliyindən əziyyət çəkən pasiyent Diaqnoz Tibb Mərkəzində sağlamlığına qovuşub
Naftalan Şəhər Mərkəzi Xəstəxanasının nevroloqu Təranə Bayramova - Həkimlərimizi tanıyaq!