Bu gün günorta saatlarında Şəki rayonunun Qudula kənd orta məktəbinin 24 şagird və 3 müəllim zəhərlənmə diaqnozu ilə xəstəxanaya müraciət edib.

Aztibb.az xəbər verir ki, TƏBİB Şəkidəki zəhərlənmə ilə bağlı açıqlama yayıb.

Bildirilib ki, Şəki rayonunun Qudula kənd orta məktəbində baş verən zəhərlənmə ilə əlaqədar TƏBİB-in tabeliyindəki Təcili və Təxirəsalınmaz Tibbi Yardım Stansiyasına müraciət daxil olub, dərhal həkim briqadaları cəlb edilib.

27 (20 nəfər cinsi qadın, 7 nəfər cinsi kişi olmaqla) nəfər TƏBİB-in tabeliyindəki Şəki Rayon Mərkəzi Xəstəxanasına yerləşdirilib.

Hazırda tibb müəssisəsinin Təcili tibbi yardım şöbəsində 4 nəfərə zəruri tibbi xidmətlər göstərilir. Vəziyyətləri qənaətbəxş olan 23 nəfər isə tibbi xidmət aldıqdan sonra ambulator müalicə üçün evə buraxılıb.

Faktla bağlı araşdırmalara başlanılıb.