Tərtər rayonunun kəndlərində yerləşən həkim məntəqələrinin tibb işçiləri tərəfindən orta məktəb və körpələr evi uşaq baxçalarında uşaqlar arasında profilaktik peyvəndləmə, gigiyena və sağlamlıq mövzusunda maarifləndirici söhbətlər aparılıb.

 

Tərtər Rayon Mərkəzi Xəstəxanasından Aztibb.az-a bildirilib ki, tədbir Zolgörən, Xoruzlu, Rəcəbli və Bayandur kəndlərində həyata keçirilib.

 

Profilaktik müayinələr uşaqların sağlamlıqlarının vaxtaşırı yoxlanılması, yarana biləcək xəstəliklərin erkən aşkarlanması, eləcə də xəstəliyi olan uşaqların vaxtında müalicəyə cəlb olunmasına və xəstəlik inkişaf etmədən qarşısının alınmasına xidmət edir.