Şəki Rayon Mərkəzi Xəstəxanasının Ailə Sağlamlıq Mərkəzinin akt zalında Ümummilli Lider Heydər Əliyevin 100 illiyi ilə əlaqədar növbəti tədbir keçirilib.
Xəstəxanadan Aztibb.az-a bildirilib ki, tədbirin əvvəlində Dövlət Himni səsləndirilib, Ümummilli Lider Heydər Əliyevin və torpaqlarımızın ərazi bütövlüyü uğrunda canlarından keçən şəhidlərimizin xatirəsi bir dəqiqəlik sükutla yad edilib.
Tədbirdə Şəki Rayon Mərkəzi Xəstəxanasının Səhiyyə Xidmətlərinin Təşkili (SXT) şöbəsinin müdiri İradə Xəlilova, kənd həkim məntəqələrinin müdirləri və digər tibb işçiləri iştirak ediblər.
SXT şöbəsinin müdiri İradə Xəlilova, Cəyirli kənd həkim məntəqəsinin müdiri Hüsniyyə Məmmədova, Baş Göynük kənd həkim məntəqəsinin müdiri Ülkər Əlizadə və Oxud kənd həkim məntəqəsinin müdiri Xansu Abdullayev çıxış edərək Ümummilli Liderin ömür yolundan, onun elm, təhsil, mədəniyyət və səhiyyə sahələrində həyata keçirdiyi layihələrdən və böyük xilaskarlıq missiyasından danışıblar.
Sonda Ulu Öndərin xatirəsinə həsr edilmiş videoçarx nümayiş olunub.
