Şəki Rayon Mərkəzi Xəstəxanasının Ailə Sağlamlıq Mərkəzinin və Poliklinika şöbəsinin həkim briqadaları həftə ərzində növbəti kənd məktəblərində uşaqların icbari dispanserizasiyasını həyata keçiriblər.

Bu barədə Aztibb.az-a Rayon Xəstəxanasından məlumat verilib.

Məktəbdə hər bir şagird həkim müayinəsindən keçərək onları narahat edən səbəbləri həkimlərə bildirib.

Şagirdləri müayinə edən həkim-pediatr, həkim-stomatoloq, həkim-oftalmoloq, həkim-dermatoveneroloq, həkim-nevropatoloq, həkim-otorinolarinqoloq və həkim-endokrinoloq şagirdlərə müvafiq tövsiyələr verib və profilaktik tədbirlər həyata keçiriblər.