“Cəbrayıl Rayon Mərkəzi Xəstəxanası” publik hüquqi şəxs tərəfindən “Heydər Əliyev İli” çərçivəsində Xəstəxananın Saatlı rayonu ərazisində fəaliyyət göstərən Əlisoltanlı fin evi həkim məntəqəsində növbəti tibbi aksiya təşkil edilib.

Aztibb.az-a Cəbrayıl Rayon Mərkəzi Xəstəxanasından bildirilib ki, aksiya TƏBİB-in dəstəyi ilə gerçəkləşib.

Tibbi aksiya Mərkəzi Xəstəxananın direktoru Anar Zamanov və xəstəxananın digər həkim və tibb işçiləri tərəfindən aparılıb. Müayinə olunmaq üçün həmin qəsəbədə məskunlaşan cəbrayıllı köçkünlərlə yanaşı, digər rayonlardan olan məcburi köçkünlər də aksiyaya cəlb olunublar. Ümumilikdə aksiyadan 50-yə yaxın sakin yararlanıb.