Gəncə şəhərində Ümummilli Lider Heydər Əliyevin anadan olmasının 100 illiyinə həsr olunmuş Regional Hematologiya Simpoziumu keçirilib. Tədbir Tibbi Ərazi Bölmələrinin İdarəetmə Birliyinin (TƏBİB), İcbari Tibbi Sığorta üzrə Dövlət Agentliyinin və Səhiyyə Nazirliyinin dəstəyi, Milli Hematologiya və Transfuziologiya Mərkəzinin təşkilatçılığı ilə baş tutub.

 

Bu barədə Aztibb.az-a Gəncə Şəhər Birləşmiş Xəstəxanasından məlumat verilib.

 

Tədbirdə TƏBİB-in İxtisaslı tibbi yardım departamentinin xüsusi profilli tibbi xidmətlərin təşkili şöbəsinin müdiri Vüsal Yusifov, İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli, Gəncə Şəhər Birləşmiş Xəstəxanasının direktoru İlkin İsmayılov, Səhiyyə Nazirliyinin Tibb xidmətləri şöbəsinin məsləhətçisi Aidə Məmmədova, MHTM-in icraçı direktoru Valeh Hüseynov və digərləri çıxış edərək Ulu Öndərin Azərbaycan səhiyyəsində, o cümlədən tibb elmi və tibb təhsili strukturlarının dinamik inkişafı və gələcək yüksəlişindəki əvəzsiz rolundan bəhs ediblər.

 

Daha sonra hematologiyanın aktual məsələlərini əhatə edən müxtəlif mövzularda məruzələr dinlənilib.

 

Simpozium çərçivəsində Gəncədə və ətraf regionlarda hematoloji xəstələrlə çalışan həkim və orta tibb işçilərinə nəzəri təlimlərin verilməsi, onlara praktik bilik və bacarıqlarının artırılması məqsədilə Milli Hematologiya və Transfuziologiya Mərkəzinə ezamların təşkili məsələləri müzakirə olunub.

 

Tədbirin keçirilməsində əsas məqsəd Azərbaycanın bir sıra regionlarında hematologiya sahəsinin inkişafına təkan vermək və müasir protokolların vacib məqamlarını ictimaiyyətə çatdırmaqdır. Tədbir