Bu barədə Aztibb.az-a Rayon Xəstəxanasından bildirilib.

 

Dövlət Himninin səsləndirilməsi ilə başlayan tədbirdə əvvəlcə müasir Azərbaycanın qurucusu, Ümummilli Lider Heydər Əliyevin əziz xatirəsi bir dəqiqəlik sükutla yad edilib.

 

Tədbiri giriş sözü ilə açan xəstəxananın direktoru Səyyaf Tağıyev bildirib ki, ölkə Prezidenti İlham Əliyevin 2022-ci il 29 sentyabr tarixli Sərəncamı ilə 2023-cü ilin “Heydər Əliyev İli” elan olunması müasir tariximizin həlledici anında, Azərbaycan xalqının gələcək taleyinin müəyyənləşdiyi mürəkkəb dövrdə müstəsna xidmətlər göstərmiş Ulu Öndərə dövlətimizin verdiyi yüksək qiymətdir.

 

Direktor vurğulayıb ki, Ulu Öndər Heydər anadan olmasının 100 illik yubileyini böyük təntənə ilə qeyd edir.

 

O, Azərbaycan tarixinin 1960-cı illərin axırlarından başlayaraq otuz ildən artıq bir dövrünün Ulu Öndərin adı ilə bağlı olduğunu qeyd edərək bildirib ki, həm respublikaya birinci dəfə rəhbərlik etdiyi 1969-1982-ci illərdə, həm SSRİ-nin ali hakimiyyət orqanlarında təmsil olunduğu dövrdə, həm də müstəqil Azərbaycanın Prezidenti kimi Heydər Əliyev öz fəaliyyətində həmişə Vətənimizin ictimai-siyasi, sosial-iqtisadi və mədəni həyatının bütün sahələrində inkişafına ximət edib, respublikamızın tərəqqisi üçün var qüvvəsi ilə çalışıb.

 

Səyyaf Tağıyev Ümummilli Lider Heydər Əliyevin digər sahələrdə olduğu kimi, səhiyyə sahəsinin inkişafına da xüsusi diqqət göstərdiyini qeyd edib. O, təməli Ümummilli Lider tərəfindən qoyulmuş siyasətin Prezident İlham Əliyev tərəfindən layiqincə, uğurla və peşəkarlıqla davam etdirildiyini bildirib.

 

Daha sonra çıxış edən xəstəxananın həkim-pediatrı Həbibulla Mirzəyev, hüquqşünas Novruz Əliyev Ulu Öndər Heydər Əliyevin çoxşaxəli fəaliyyətindən, Azərbaycanın inkişafı və milli dövlətçiliyin gücləndirilməsi istiqamətində tarixi xidmətlərindən, böyük xilaskarlıq missiyasından danışıblar.