Aztibb.a-ın "Həkimlərimizi tanıyaq!" rubrikasında Sevinc Seydəliyeva haqqında məlumatları təqdim edirik.
Sevinc Mirtənzil qızı Seydəliyeva 4 sentyabr 1976-cı ildə Ağsu rayonunda anadan olub. 1994-2000-ci illərdə Azərbaycan Tibb Universitetinin Müalicə işi fakültəsində təhsil alıb. 2000-2002-ci illərdə mama-ginekologiya ixtisası üzrə ordinatura keçib.
O, Azərbaycan Respublikasının Prezidenti yanında Ali Attestasiya Komissiyasının 11.04.2012-ci il tarixli qərarı ilə tibb üzrə fəlsəfə doktoru elmi dərəcəsinə layiq görülüb.
2003-2015-ci illərdə ATU-da II mama-ginekologiya kafedrasında baş laborant, 2015-2022-ci illərdə Ağsu RMX-da mama-ginekologiya şöbəsində həkim-ginekoloq vəzifələrində işləyib. 2022-ci ildən İsmayıllı Rayon Mərkəzi Xəstəxanasının Ginekologiya və doğum şöbəsində mama-ginekoloq cərrah və şöbə müdiri vəzifəsində çalışır.