"Həkimlərimizi tanıyaq!" rubrikamızda Samux Rayon Mərkəzi Xəstəxanasının mama-ginekoloqu Mətanət Əliyevadan bəhs edəcəyik.

Mətanət İlyas qızı Əliyeva 29 mart 1961-ci ildə Xanlar rayon Səfərəliyev qəsəbəsində anadan olub. 1981-ci ildə Bakı şəhər N.Nərimanov adına Azərbaycan Dövlət Tibb Universitetinin Müalicə və profilaktika fakültəsinə daxil olub. 1987-1988-ci illərdə Gəncə şəhər 3 saylı şəhər xəstəxanasında internatura keçib.

O, 1988-ci ildə Samux Rayon Mərkəzi Xəstəxanasında iş fəaliyyətinə başlayıb. 01.01.1994-cü ildən 31.03.1994-cü il tarixədək Bakı şəhəri Ə.Əliyev adına Azərbaycan Dövlət Həkimlərin təkmilləşməsi İnstitutunda ixtisaslaşma kursundan keçmişdir. Həmin ildən Doğum şöbəsində şöbə müdiri vəzifəsinə təyin edilib. 2021-ci ildən Samux RMX PHŞ-da şöbə müdiri, baş mama-ginekoloq vəzifəsində çalışır.