Süni intellekt göz və beyin arasındakı əlaqəni deşifrə edib. İsveçrənin Cenevrə şəhərində hazırlanan CEBRA adlı süni intellekt gözlərdən beyinə göndərilən sinir siqnallarını görüntülərə çevirə bilir. Texnologiya sayəsində korluq keçmişdə qala bilər.

Bu barədə Aztibb.az medimagazin.com.tr-yə istinadla xəbər verir.

Alimlər ağ-qara film izlədikləri siçanın beynindəki elektrik siqnallarını süni intellektlə görüntülərə çeviriblər.

Təkcə beyin skanından əldə edilən məlumatlarla, siçanın baxdığı film 95% dəqiqliklə təkrarlanıb. Siçanlarda beyin fəaliyyətinin xəritəsini tərtib etmək üçün iki fərqli texnika istifadə olunub.

Araşdırmanın nəticələri nüfuzlu "Nature" jurnalında dərc olunub.

Mütəxəssislər texnologiyanı insan beyninə uyğunlaşdırmağı hədəfləyirlər. Bu yolla gələcəkdə görmə qüsurlu insanlar üçün bionik gözlər istehsal etmək mümkün olacaq.