Aztibb.az-ın "Həkimlərimizi tanıyaq!" rubrikasında söz açacağımız Fikrət Sadıqov Şirvanın sevilən-seçilən həkimlərindəndir. O, bugünədək mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.
Fikrət Sadıqov 1 avqust 1959-cü ildə Əli Bayramlı rayon Osmanlı kəndində anadan olub. 1976-1982-ci illərdə Azərbaycan Dövlət Tibb Universitetində Müalicə profilaktikası fakültəsində təhsil alıb. 1982-1983-cü illərdə Əli Bayramlı (Şirvan) şəhər Mərkəzi Xəstəxanasında internatura keçib.
O, 1986-cı ildə Şirvan Rayon Mərkəzi Xəstəxanasında Fizioterapiya şöbəsinin müdiri vəzifəsində çalışıb. 16.08.1986 - 01.09.1986-cı illərdə Sabirabad rayon Qaragüney həkim məntəqəsində məntəqə müdiri, 2010-cu ildə Mərkəzi Poliklinikanın funksional diaqnostik kabinetinə həkim-kardioloq vəzifəsində işləyib.
2019-cu ildən Şirvan RMX-nın Terapiya şöbəsinin kardioloqu kimi fəaliyyətini davam etdirir.