Gəncə Şəhər Birləşmiş Xəstəxanasının (ŞBX) tabeliyindəki Akad.Z.Məmmədov adına xəstəxananın Oftalmoloji şöbəsində yeni Optik Koherent Tomoqrafiyası (OKT) cihazı istifadəyə verilib.

Bu barədə Aztibb.az-a Gəncə ŞBX-dan məlumat verilib.

Qeyd edək ki, Optik Koherent Tomoqrafiyası torlu qişanın, optik sinir diskin və gözün ön hissəsinin təbəqələrinin görüntülərini əldə edərək göz strukturlarını ətraflı öyrənmək üçün aparılan metoddur. Bu müayinə vasitəsilə tor qişanın təbəqələrinin vəziyyətini daha aydın qiymətləndirmək üçün yüksək dəqiqlikli görüntülər əldə etmək mümkündür.