"Həkimlərimizi tanıyaq!" rubrikamızda Füzuli Rayon Mərkəzi Xəstəxanasının Təcili Təxirəsalınmaz Tibbi Yardım şöbəsinin müdiri Arzu Şəfiyeva haqqında məlumatları diqqətə çatdırırıq.
Arzu Şəfiyeva 23 fevral 1962-ci ildə Füzuli rayonunda anadan olub. 1980-1986-cı il N. Nərimanov adına Azərbaycan Dovlət Tibb İnstitutunun Müalicə-profilaktika fakültəsində təhsil alıb. E.Əfendiyev adına şəhər xəstəxanasında internatura keçib.
O, 1987-ci ildə Füzuli RMX-da həkim-terapevt kimi fəaliyyətə başlayıb. 1995-ci ildə Əhmədbəyli kənd xəstəxanasında fəaliyyətini davam etdirib.
2001-2011-ci illərdə Füzuli RMX-da Poliklinika şöbəsində həkim işləyib. 2011-2014-cü illərdə Füzuli RMX Baş həkimin müavini, 2014-2019-cu illərdə Tibbi Sosial Ekspert komissiyasının-ekspert terapevt həkimi kimi fəaliyyət göstərib.
Arzu Şəfiyeva 2019-cu ildə Füzuli rayon RMX-nın TTTY şöbə müdiri vəzifəsinə təyin olunub və hazırda fəaliyyətini davam edir.
Həkim 3 nömrəli Sabuncu xəstəxanasında və təkrar olaraq 2009-2010-cu il Əziz Əliyev adına Azərbaycan həkimlər Təkmilləşdirmə İnstitutunda kardiologiya üzrə kurs keçib. Akd C. Abdullayev adına Elmi Tədqiqat Kardialogiya İnstitutunda Exo kq üzrə kurs keçmişdir.
44 günlük Vətən müharibəsində Arzu həkimin xidmətləri danılmazdır. O, yaralıların xəstəxanaya tez bir zamanda çatdırılması və təxliyəsində böyük xidmət göstərmişdir.
