Ağstafa rayon Kolxəlfəli kənd sakini, Azərbaycan Ordusunun kiçik çavuşu, 44 günlün Vətən müharibəsi zamanı Azərbaycan ərazisinin bütövlüyü uğrunda Füzuli döyüşləri zamanı şəhid olmuş Piriyev Elşən Şəfalət oğlunun həyat yoldaşının müraciəti əsasında övladı - şəhidimizin yadigarı Pirizadə Həsən Elşən oğlu Ağstafa Rayon Mərkəzi Xəstəxanasında həkim-cərrahı Elvin Hacıyev tərəfindən müayinələrdən keçirilib və sünnət olunub.

 

Bu barədə Aztibb.az-a Ağstafa Rayon Mərkəzi Xəstəxanasından məlumat verilib.

 

"Vətən uğrunda", "Cəsur döyüşçü", "Qubadlının azad olunmasına görə" və "Kəlbəcərin azad olunmasına görə" medalları ilə təltif olunan şəhid Elşən Piriyevin həyat yoldaşı və digər ailə üzvləri şəhid ailələri və qazilərə xidmət göstərməkdən qürur duyan və pasiyentlərə keyfiyyətli tibbi xidmət göstərməyi özünə əsas meyar hesab edən Ağstafa RMX-ın rəhbərliyi başda olmaqla cərrah Elvin Haciyevə və bu xidməti təşkil etdiyinə görə TƏBİB-ə təşəkkür ediblər.