Şabran Rayon Mərkəzi Xəstəxanasının təşkilatçılığı ilə 24-30 aprel -Avropa İmmunlaşdırma Həftəsi ilə bağlı “Övladını peyvəndə gətir, sağlam gələcəyə ötür” adlı tədbir keçirilib.

 

Xəstəxanadan Aztibb.az-a bildirilib ki, tədbirdə Tərtər RMX-nın direktoru Səxavət Cəbrayılov, baş həkim Kəmalə Süleymanova və digərləri çıxış ediblər.

 

Çıxışlar zamanı uşaqlıq dövründə peyvəndləmənin vaxtı-vaxtında aparılmasının vacibliyindən, onun ölümcül xəstəliklərə qarşı bədəndə yaratdığı müdafiə sistemindən, düzgün şəkildə aparılan maarifləndirmə tədbirləri nəticəsində cəmiyyətdə mövcud olan yüksək dərəcəli infeksion xəstəliklərin qarşısının alınmasının mümkünlüyündən, eləcə də sağlam gələcək naminə valideynlərin peyvənləmə cədvəlinə uyğun olaraq övladlarını vaksin etdirməyin əhəmiyyətindən danışılıb.

 

Bildirilib ki, Ümumdünya Səhiyyə Təşkilatının Avropa Regional Bürosunun İmmunlaşdırma Həftəsi keçirmə təşəbbüsünə Azərbaycan ilk dəfə 2007-ci ildə qoşulub. Azərbaycandakı İmmunlaşdırma Həftəsinin əsas məqsədləri körpə və uşaqlar arasında respirator xəstəliklər səbəbi ilə olüm və xəstələnmə hallarının azaldılması üçün yeni vaksinlərin tətbiq edilməsi, planlı immunlaşdırma əhatəsinin yerlərdə yüksəldilməsi üçün əhalinin məlumatlandırılma səviyyəsinin artırılmasıdır. Həmçinin minilliyin inkişaf məqsədlərinə çatmaq naminə qızılca və məxmərək xəstəliklərinin eliminasiyası (aradan qaldırılması) ilə əlaqədər bu xəstəlikər üzərində nəzarətin gücləndirilməsidir.