Dünyada həkimlik qədər şəfalı, şəfqətli, xeyirxah və humanist peşə yoxdur. Bütün zamanlarda, xalqlar arasında həkim cəmiyyətin ən çox sevilən və hörmət edilən təbəqəsi sayılıb, onların haqqında hikmətli sözlər yazılıb. Seçdiyi peşəsindən, həyatdakı işindən, mövqeyindən asılı olmayaraq, hər kəsin qəlbində bu sənət sahiblərinə qarşı ali hisslər yaşayır.

 

Aztibb.az-ın "Həkimlərimizi tanıyaq!" rubrikasında söz açacağımız Rahilə Əhmədova da sevilən, seçilən həkimlərimizdəndir. O, bu günədək mənalı həyatını bütünlüklə şərəfli işinə, müqəddəs peşəsinə, insanların problemlərinə və sağlamlığına həsr edib

 

Rahilə Mustafa qızı Əhmədova 1952-ci il Qazax Rayon Qaymaqlı kəndində anadan olub. 1969-1975-ci illərdə N.Nərimanov adına Azərbaycan Tibb Universitetini Pediatriya ixtisası üzrə bitirib. 1976-cı ildə Gəncə I saylı Uşaq Xəstəxanasında internatura keçib.