Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən həkimlərimizi tanıtmaqda davam edir.
Rubrikada bu dəfə həkim neonatoloq Mehriban Ramazanova haqqında məlumatları diqqətə çatdırırıq.
Mehriban Qarabəy qızı Ramazanova 24 iyul 1970-ci ildə Quba rayonunda anadan olub. 1988-1994-cü illərdə Azərbaycan Dövlət Tibb Universitetinin Pediatriya fakültəsində təhsil alıb. Daha sonra Quba Rayon Mərkəzi Xəstəxanasında internatura keçib.
O, 1998-ci ildə Qırımızı qəsəbə Sağlamlıq Mərkəzində həkim pediatr kimi iş fəaliyyətinə başlayıb. 2001-2011-ci illərdə Sağlamlıq Mərkəzinin baş həkimi işləyib. 2012-ci ildən Quba Rayon Periental Mərkəzində həkim neonatoloq vəzifəsində çalışır.
Həkim 2014-cü ildə Türkiyə Respublikasının Ankara Etlik Zübeydə Hanım Kadın Hastalıkları Egitim Araşdırma Hastanesində keçirilən konfransda və bir çox ixtisasartırma kursalarında iştirak edib.
Mehriban Ramazanova nümunəvi xidmətlərinə görə dəfələrlə Fəxri fərmanlarla təltif olunub.
