"Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim, Xaçmaz Rayon Mərkəzi Xəstəxanasının baş həkimi Lətif Abasov haqqında məlumatları təqdim edirik.
Lətif Bahadır oğlu Abasov 13 sentyabr 1965-ci ildə Bakı şəhərində anadan olub. 1982-1988-ci illərdə Azərbaycan Dövlət Tibb İnstitutunun Müalicə işi fakültəsində təhsil alıb. 1988-1989-cu illərdə M.A.Topçubaşov adına Elmi-Tədqiqat İnstitutunda anestezioloq-reanimotoloq ixtisası üzrə internatura keçib.
Təhsil almaqla yanaşı, o, 1986-1988-ci illərdə Milli Onkologiya Mərkəzində tibb qardaşı kimi fəaliyyət göstərib. 1989-cu ildə Xaçmaz Rayon Mərkəzi Xəstəxanasında həkim anestezioloq-reanimatoloq kimi işə başlayıb. 2006-2019-cu illərdə Xaçmaz Rayon Mərkəzi Xəstəxanasında baş həkimin müavini vəzifəsində çalışıb, 2020-ci ildən isə müəssisənin baş həkimidir.
