Növbəti onillikdə dünyada yeni bir pandemiya yayıla bilər, buna indidən hazırlaşmalıyıq.

Aztibb.az xəbər verir ki, bu barədə “Bloomberg” yazıb.

Məlumata görə, yaxın onillikdə COVID-19 kimi ölümcül pandemiyanın başlama ehtimalı 27,5% təşkil edir.

Nəşrdə bildirlir ki, bu, beynəlxalq səyahətlərin sayının artması, iqlim dəyişikliyi, eləcə də əhalinin sayı və zoonoz xəstəliklərin təhlükəsi ilə əlaqədardır. Bununla bağlı ekspertlər artıq yeni potensial qlobal təhlükəyə hazırlaşırlar.

Məqalə müəllifləri vurğulayırlar ki, H5N1 quş qripinin indiyədək yalnız bir neçə nəfərdə aşkarlanmasına baxmayaraq, sürətlə yayılması narahatlıq doğurur. Quşlar arasında xəstələnmə hallarının sürətlə artması və məməlilərdə yoluxma hallarının getdikcə daha tez-tez baş verməsi alimləri və beynəlxalq səhiyyə təşkilatlarını narahat edir.

Qeyd olunur ki, virus mutasiyaya uğraya bilər, bu da onun yayılmasını sürətləndirəcək, ona görə də narahatlığa əsas var.

Bubdan əlavə, Yaxın Şərq tənəffüs sindromu və Zika virusu kimi bir çox yüksək riskli patogenlərə qarşı peyvənd və müalicə vasitələrinin olmadığı yazılır. Bu infeksiyaların monitorinqi çətin ki, yeni pandemiyanın başlanğıcını vaxtında aşkar etməyə kömək etsin, ona görə də tədbirlər görülməlidir.