Bir yerdə həkim varsa, yaşam və ümid var deməkdir!
Bu gün Aztibb.az-ın "Həkimlərimizi tanıyaq!" rubrikasında Zaqatala Rayon Mərkəzi Xəstəxanasının təcrübəli həkimi Sevinc Məmmədovanı oxuculara təqdim edirik.
Sevinc Bahaddin qızı Məmmədova 24 avqust 1968-ci ildə Zaqatala rayonu Yuxarı Tala kəndində anadan olub. 1987-1993-cü illərdə N.Nərimanov adına Azərbaycan Dövlət Tibb İnstitutunda Müalicə işi ixtisası üzrə ali təhsil alıb.
O, 1993-1997-ci illərdə Zaqatala Rayon Mərkəzi Xəstəxananın Təcili yardım stansiyasının şöbə müdiri, 1997-2009-cu illərdə Göyəm kənd həkim ambulatoriyasının baş həkimi işləyib, 2009-2021-ci illərdə Zaqatala Rayon Müalicə Diaqnostika Mərkəzinin Poliklinika şöbəsinin müdiri vəzifəsini icra edib. 2021-ci ildən Zaqatala RMX-nın Poliklinika şöbəsində həkim-terapevt kimi fəaliyyət göstərir.
Təcrübəli həkim mütəmadi olaraq tibbi bilik və bacarıqlarını artırmaq məqsədilə kurslarda, təlimlərdə iştirak edib və bir çox Fəxri fərmanlara layiq görülüb.
_191.jpg "İnfarktdan sonra ürəyi zədələnmələrdən qorumağın yolu tapılıb")
