Vətəndaşların hər il tibbi müayinələrə cəlb edilməsi prosesi Quba Rayon Mərkəzi Xəstəxanasında uğurla davam etdirilir. Daha öncə kəndlərdə həkim briqadalar tərəfindən aparılan müayinə və maarifləndirici mövzular əsasında Quba RMX-ya edilən amblator müraciətlərin sayı artıb. Bu isə xəstəliklərin ilkin aşkarlanması və vaxtında müalicə olunmasında səmərəli tədbir kimi qiymətləndirilir. 

Quba Rayon Mərkəzi Xəstəxanasından Aztibb.az-a bildirilib ki, müəssisənin peşəkar həkim və tibb işçilərindən ibarət briqadasının iştirakı ilə bu dəfə Quba rayonunun Səbətlər kənd sakinlərinin tibbi müayinəsi həyata keçirilib.

Keçirilən səyyar həkim qəbulunda Quba RMX-nın pediatrı, şüa-diaqnostika, lobarant, mama-ginekoloq, terapevt və cərrah həkimləri iştirak ediblər.