"Heydər Əliyev İli" ilə əlaqədar Oğuz Rayon Mərkəzi Xəstəxanası və YAP Oğuz rayon Təşkilatı tərəfindən Ulu Öndər Heydər Əliyevin zəngin dövlətçilik irsinin, əbədiyaşar ideyalarının öyrənilməsi və yeni nəslə aşılanması, xalqımız və dövlətimiz qarşısında misilsiz xidmətlərinin geniş ictimaiyyətə çatdırılması məqsədilə ardıcıl tədbirlər həyata keçirilir.

Aztibb.az-a Oğuz RMX-dan verilən xəbərə görə, YAP Oğuz rayon təşkilatı tərəfindən gənc partiya və xəstəxananın əməkdaşlarının iştirakı ilə Heydər Əliyev Mərkəzinə ekskursiya təşkil olunub.

Mərkəzdə gənclərə müstəqil Azərbaycan dövlətinin memarı, Ümummilli Lider Heydər Əliyevin zəngin həyat yolu və müstəsna fəaliyyəti haqqında məlumat verilib, gənclər eksponat, fotoşəkil və kitablarla tanış olublar.

Sonda fəal iştirak edən gənclərə Fəxri fərmanlar təqdim edilib.