Azərbaycan Respublikasında 2023-cü ilin “Heydər Əliyev İli” elan edilməsi haqqında Azərbaycan Respublikası Prezidentinin 29 sentyabr 2022-ci il tarixli Sərəncamına əsasən tərtib edilmiş Tədbirlər planına uyğun olaraq Tərtər Rayon Mərkəzi Xəstəxanasında “Hərəyə bir ağac əkək” adlı ağacəkmə aksiyası keçirilib.

Xəstəxanadan Aztibb.az-a bildirilib ki, aksiya çərçivəsində Xəstəxananın ətrafında yerli iqlimə uyğun 100 ədəd həmişəyaşıl ağac əkilib.

Ağacəkmə aksiyasında yeni əkilmiş ağaclara aqrotexniki qulluq göstərilib.

Qeyd edək ki, aksiyanın keçirilməsində əsas məqsəd ölkəmizdə ekoloji tarazlığın təmin edilməsinə dəstək, təbiətə qayğı hissinin təbliği və ətraf mühitin sağlamlaşdırılmasına töhfə verməkdir.

Aksiya il ərzində silsilə şəkildə davam etdirilir.