Aztibb.az-ın "Həkimlərimizi tanıyaq!" rubrikasında söz açacağımız Sahib Hümbətov Şirvanın sevilən-seçilən həkimlərindəndir. O, mənalı həyatını bütünlüklə şərəfli işinə, müqəddəs peşəsinə, insanların sağlamlığına həsr edib.
Sahib Cəlal oğlu Hümbətov 09 sentyabr 1959-cu ildə Əli Bayramlı rayon Çölbeşdəli kəndində anadan olub.
1983-1989-cu illərdə N.Nərimanov adına Azərbaycan Dövlət Tibb Universitetinin Müalicə profilaktika fakültəsində təhsil alıb. 1989-1990-cı illərdə Əli Bayramlı (Şirvan) şəhər Mərkəzi Xəstəxanasında internatura keçib.
O, 1990-cı ildə ŞMP sahə həkim–terapevt, daha sonra Reanimasiya şöbəsində həkim anestezioloq-reanimatoloq vəzifəsində çalışıb. 2010-cu ildə Şirvan Rayon Mərkəzi Xəstəxanasının Anesteziologiya-reanimasiya şöbəsində həkim anestezioloq-reanimatoloq işləyib.
13.11.2013-cü ildə Həkimlərin Sertifikasiya Şəhadətnaməsindən keçib.
Sahib Hümbətov 2021-ci ildən Anesteziologiya Reanimasiya və intensiv terapiya şöbəsində anestezioloq-reanimatoloq kimi fəaliyyət göstərir.
