TƏBİB-in tabeliyində fəliyyət göstərən Şirvan Şəhər Mərkəzi Xəstəxanasının Klinik laboratoriyası yeni tibbi avadanlıqlarla təchiz edilib.

Xəstəxanadan Aztibb.az-a verilən məlumata görə, laboratoriya Cobas 411 hormon, Cobas 311 biokimya, tam avtomatlaşdırılmış koaijlu qramma, Sysuex-1000 avadanlıqlarla təmin olunub.

Labortariyanın fəaliyyəti pre-analitik, analitik və post –analitik mərhələnin tələblərinə uyğun olaraq təşkil edilib. Avtomatlaşdırılmış sistemlərin tətbiqi ilə analiz nəticələrinin hazır olma müddəti dəfələrlə qısaldılıb. Bütün analizatorlar “E-Təbib “ proqram təminatına, eləcə də kodlaşdırılmış test nəticələrinin sistemə avtomatik inteqrasiyası təmin edilib.

Artıq ambulator və stasionar pasiyentlər İcbari Tibbi Sığorta üzrə Dövlət Agentliyinin Xidmətlər Zərfinə daxil olan 600-dək laborator xidməti ən müasir tələblərə və protokollara uyğun olaraq əldə edə biləcəklər. Pasiyentlər analizlərinin nəticələrini analiz verdikləri tibb müəssəsinin qeydiyyat şöbəsinə gəlməklə, həmçinin müəssisəyə gəlmədən onlayn şəkildə İcbari Tibbi Sığorta üzrə Dövlət Agentliyinin rəsmi internet saytı (www.its.gov.az) vasitəsi ilə əldə edə bilərlər.

Qeyd edək ki, layihə çərçivəsində davamlı tibbi təhsil proqramı da tətbiq edilməkdədir. Proqrama uyğun olaraq laboratoriyaların həkim və laborantlarına, qanalma tibb bacılarına müasir nəzəri və praktik təlimlər keçirilir.

Gələcəkdə laboratoriyada daha geniş analizlərin olunması nəzərdə tutulub.