Aztibb.az "Həkimlərimizi tanıyaq!" rubrikasında paytaxtda və regionlarda fəaliyyət göstərən peşəkar həkimlərimizi tanıtmaqda davam edir.

Rubrikada bu dəfə Göygöl Rayon Mərkəzi Xəstəxanasının anestezioloq-reanimatoloqu Lütviyar Abbasov haqqında məlumatları diqqətə çatdırırıq.

Lütviyar Abbasov 1 yanvar 1965-ci ildə Ermənistan Respublikası Basarkeçər rayonu Nərimanlı kəndində anadan olub. 1987-1993-cü illərdə N.Nərimanov adına Azərbaycan Tibb İnstitutunun Müalicə işi fakültəsində təhsil alıb. 1993-1994-cü illərdə Gəncə şəhər Abbas Səhhət adına xəstəxanada internatura keçib.

O, 1994-1997-ci illərdə Samux Rayon Mərkəzi Xəstəxanasında həkim anestezioloq-reanimotoloq vəzifəsində çalışıb. 2003-cü ildə Endoskopiya ixtisası üzrə ixtisasartırma kursunda olub. 2003-2010-cu illərdə əvəzedici həkim-endoskopist işləyib.

L.Abbasov 2005-2010-2015-2020-ci illərdə Əziz Əliyev adına Azərbaycan Dövlət Həkimləri Təkmilləşdirmə İnstitutunda kurslardan keçib.
2007-ci ildən Göygöl Rayon Mərkəzi Xəstəxanasında anestezioloq-reanimotoloq vəzifəsində çalışır.