"Həkimlərimizi tanıyaq!” rubrikamızda saytımızın oxucularına zəngin iş təcrübəsinə malik peşəkar həkim-otorilorinqoloq Vilayət Musayevi təqdim edirik.
Vilayət Novruz oğlu Musayev 14 noyabr 1953-cü ildə Samux rayonu Fizuli kəndində anadan olub. 1971-1976-cı illərdə N. Nərimanov adına Azərbaycan Tibb İnstitutunun Müalicə-profilaktika fakültəsində təhsil alıb.
O, Əziz Əliyev adına Azərbaycan Dövlət Təkmilləşdirmə İnstitutunda otolorinqologiya, eşitmənin reabilitasiyası, otolarinqologiyanın seçilmiş məsələləri mövzularında sertifikasiya kurslarından keçib.
V.Musayev 1979-cu ildə Göygöl Rayon Mərkəzi Xəstəxanasında baş həkimin müalicə işləri üzrə müavini, baş həkim əvəzçisi vəzifəsində çalışıb. 1989-cu ildən Göygöl Rayon Mərkəzi Xəstəxanasında həkim-otolarinqoloq kimi fəaliyyət göstərir.
Həkim tərəfindən otoskopiya, farinqoskopiya, rinoskopiya, abses boşluğunun açılması, burun boşluğunda yad cisimlərin çıxarılması və s. müayinələr həyata keçirilir.
