“Həkimlərimizi tanıyaq!” rubrikamızda Sizlərə peşəkarlığı ilə seçilən tanınımış üz-çənə cərrahı, implantoloq, uzman həkim, fəlsəfə elmləri doktoru Vüqar Qurbanovu təqdim edirik.
V.Qurbanov 1986-cı ildə Gəncə şəhərində anadan olub. 2009-cu ildə ATU-nun Stomatologiya fakültəsini fərqlənmə diplomu ilə bitirib. 2007-ci ildə Ankara Universteti Oral and Maxillofacial cərrahi bölümündə, 2008-ci ildə İstanbul (Çapa) Universtetində Oral İmplantoloji tələbə mübadiləsi proqramı ilə təcrübə keçib. O, 2009-2010-cu illərdə ağız-üz-çənə cərrahəyyəsi üzrə internatura təhsili alıb.
2012-ci ildə hərbi xidmətdən döndükdən sonra Ağız-üz-çənə cərrahəyyəsinin ən aktual problemlerindən olan “Ağız suyu vəzilərin xroniki iltihabı və autoimmun xəstəliklərin müalicəsində ozonoterapiyanın müalicəvi effektivliğinin rolu” mövzusunda elmi işini uğurla müdafiə edib. 2018-ci ildə Ali Atttestasiya Komissiyanın qərarı ilə tibb üzrə fəlsəfə elmləri doktoru alimlik dərəcəsini alıb.
2013-cü ildə Erciyes Universtetində Oral and Maxillofacial cərrahi bölümündə 3 ay təkmilləşmə kursu keçib.
2014-cü il Samsun 19 mayıs Universteti Diş həkimliği fakültəsinin Ağız Diş Çənə cərrahisi bölümündə doktorluq proqramına başlayıb, 2018-ci ildə “Ortodontik elastik kullaniminin temporomandibular eklem üzerinde oluşturduğu stresin sonlu elemanlar analizi ile değerlendirilmesi” mövzusunda elmi işini müdafiə edərək tibb üzrə fəlsəfə elmləri doktoru alimlik dərəcəsini alıb.
O, 2021-2023-cü illərdə Respublika Klinik Xəstəxanasının Üz-Çənə Cərahiyyəsi şöbəsində çalışıb. Hal-hazırda Abşeron Mərkəzi Xəstəxanasının Üz-Çənə Cərrahiyyəsi şöbəsinin müdiri vəzifəsində fəaliyyətini davam etdirir.
Uzman həkim bir çox beynəlxalq konfranslarda elmi məruzələrlə çıxış edib. 11 elmi məqalənin (3 məqalə beynəlxalq jurnallarda çap olunub), 30 posterin müəllifidir.
V.Qurbanov Azərbaycanda AzEDAD və BMF akademiyalarının elmi məsləhətcisi, İmplant Dental Akademiyasının təsisçisidir. Həmçinin Nobel Akademiyasının prezidenti, AZİİB idarə heyətinin, Azərbaycan Üz-Çənə Cərrahlar İctimai birliyinin, Dünya və Avropanın bir çox cərrahiyyə və implantoloji cəmiyyətlərinin üzvüdür.
