Tərtər Rayon Mərkəzi Xəstəxanasının əməkdaşları “Heydər Əliyev İli” çərçivəsində Heydər Əliyev Mərkəzinə ekskursiya ediblər.
Xəstəxanadan Aztibb.az-a verilən məlumata görə, tədbir iştirakçıları öncə Mərkəzdə Ulu Öndər Heydər Əliyevin abidəsi önünə gül dəstələri qoyub, dahi liderin xatirəsini yad ediblər.
Ekskursiya zamanı əməkdaşlar Ulu Öndərin 100 illik yubileyinə həsr olunmuş kitab sərgisinə, “Ulu Öndər Tərtərdə” fotostendinə baxıb, Ümummilli Liderin keçdiyi həyat yolu və iş fəaliyyətini əks etdirən eksponatlarla tanış olublar.
Mərkəzin bələdçisi müstəqil Azərbaycanımızın memarı və qurucusu olan Ümummilli Liderin keçdiyi həyat yolu və Azərbaycanın hərtərəfli inkişafına göstərdiyi misilsiz xidmətlər haqqında ekskursiyada iştirak edənlərə ətraflı məlumat verib.
